AccessNorway: Tilgjengeleg reiseliv for alle

Tilgjengeleg reiseliv handlar om å skape gode opplevingar for alle – og samstundes utvikle sterkare lokalsamfunn og meir lønsam reiselivsnæring. Med ei aldrande befolkning og ein stor del av verdas reisande med ulike behov, ligg det eit betydeleg uutnytta potensial i å utvikle reisemål som er betre tilrettelagde og lettare å forstå for gjesten.

AccessNorway er ei nasjonal satsing der reisemål over heile landet samarbeider om å utvikle felles standardar og verktøy for eit meir tilgjengeleg reiseliv. Målet er å gjere det enklare for både destinasjonar og reiselivsbedrifter å vite kva dei skal gjere – og korleis dei skal kommunisere dette tydeleg til gjesten.

Satsinga byggjer på erfaringar frå norsk reiseliv, og skjer i samarbeid med sterke fagmiljø. Gjennom Inklu – Beitostølen, eit samarbeid mellom Beitostølen Helsesportsenter, Østre Slidre kommune og næringslivet, blir praktisk erfaring med inkluderande reisemål teke inn i arbeidet. Samtidig bidreg Sunnasstiftelsen med viktig brukarkompetanse, slik at løysingane blir utvikla med utgangspunkt i faktiske behov. Arbeidet skjer òg i tett samarbeid med Innovasjon Norge Reiseliv og Visit Norway, for å sikre nasjonal forankring og samordna utvikling og kommunikasjon.

Gjennom pilotering på utvalde reisemål og testing saman med brukargrupper, skal AccessNorway utvikle konkrete verktøy og legge grunnlaget for ein felles nasjonal standard. Ambisjonen er å styrkje Noreg som reisemål – og gjere det enklare for fleire å oppleve det.

‍