Norwegian Digital Travel Hub: KI og ny teknologi

Reiselivet står midt i ei grunnleggjande teknologisk endring, der kunstig intelligens i aukande grad påverkar korleis gjester finn, vel og bestiller opplevingar. For Norwegian Travel Cluster handlar satsinga på KI og ny teknologi om å sikre at reisemåla og bedriftene sjølve tek ein aktiv posisjon i denne utviklinga – og beheld kontrollen over eigen synlegheit, data og verdiskaping.

Gjennom denne satsinga jobbar vi med å styrkje næringa si evne til å møte ei ny digital verkelegheit, der mykje av kundereisa skjer i globale plattformar. Målet er å utvikle løysingar og samarbeid som gjer at norsk reiseliv står sterkare – både teknologisk, strategisk og kommersielt.

Eit sentralt fokus er å:

• Sikre at reisemål og bedrifter får større kontroll over distribusjon og synlegheit i ein KI-driven marknad
• Utforske moglegheita for felles digital infrastruktur, der data og innhald er tilgjengeleg på ein måte som fungerer godt i moderne teknologiar
• Ta i bruk data og innsikt til å skape betre kundeopplevingar, meir treffsikker marknadsføring og smartare drift
• Styrkje konkurransekraft og verdiskaping gjennom samarbeid på tvers av reisemål og aktørar
• Bruke teknologi som eit verktøy for betre besøksstyring og meir berekraftig utvikling

Satsinga handlar også om å bygge opp ei sterkare felles forståing for korleis data, kunnskap og erfaringar kan delast og nyttast på tvers av næringa. Ved å samle og strukturere innsikt om reisemål og utvikling, legg vi grunnlaget for betre beslutningar og meir koordinert utvikling i framtida.

Samtidig er det avgjerande for oss at teknologiutvikling skjer i tråd med verdiane i norsk reiseliv. Kunstig intelligens skal ikkje berre skape effektivitet, men også støtte opp under berekraft, lokal verdiskaping og ansvarleg utvikling av reisemål.

Dette er eit langsiktig arbeid der målet er klart: å sikre at norsk reiseliv eig relasjonen til gjesten, eig dataen sin – og står rusta til å møte ei framtid der teknologi spelar ei stadig større rolle.

‍