Camping og trafikk på norske reisemål

Noreg opplever stadig auka trafikk på vegane, særleg i turistsesongen. Campingturistar utgjer ein stor del av dette biletet – faktisk er om lag 1 av 5 utanlandske turistar i Noreg ein campinggjest. Dette gir store moglegheiter for verdiskaping i lokalsamfunn over heile landet, men skapar òg utfordringar knytt til kapasitet, trafikk, naturbelastning og informasjonsbehov.

For å møte denne utviklinga har destinasjonar over heile landet samla seg i ei felles satsing. Målet er å utvikle betre verktøy, kunnskap og tiltak for å handtere auka trykk på ein god måte. Dette omfattar mellom anna kurs og kompetanseheving for næringa, felles informasjonskampanjar retta mot gjestar, og utvikling av handbøker og retningslinjer for korleis destinasjonar kan jobbe med besøksforvaltning. Arbeidet skjer i tett samspel med nasjonale initiativ som til dømes campingvettreglane.

Satsinga er bygd på breitt samarbeid mellom destinasjonane, og skjer i tett dialog med sentrale nasjonale aktørar. Dette inkluderer Innovasjon Norge Reiseliv og Visit Norway, campingklynga, NHO Reiseliv, Norsk Bobilforening, Norsk Camping- og Caravanforening, Virke, Statens vegvesen og fleire. Gjennom dette samarbeidet skal ein utvikle felles løysingar som både tek vare på gjesteopplevinga, næringa og lokalsamfunna.

‍