Norske matdestinasjonar

Lokalmat og drikke er ein stadig viktigare del av reiseopplevinga – og representerer eit stort potensial for norsk reiseliv. Gjennom å løfte fram lokale råvarer, tradisjonar og matkultur kan reisemål skape meir attraktive opplevingar for gjestar, auke verdiskapinga lokalt og styrkje identiteten i lokalsamfunna. Ei satsing på lokalmat handlar difor ikkje berre om mat – men om å utvikle levande lokalsamfunn, styrkje næringsgrunnlaget og skape grunnlag for fleire heilårige arbeidsplassar.

Noreg har sterke mattradisjonar og mange destinasjonar som allereie har satsa på dette. Samtidig har utviklinga i stor grad skjedd regionalt og lokalt, utan ein felles nasjonal struktur for å samle erfaringar, utvikle verktøy og bygge ein tydeleg posisjon i marknaden. Dette gjer at mykje kunnskap ikkje blir delt, og at potensialet for å stå sterkare saman – både i utvikling og marknadsføring – ikkje blir fullt utnytta.

Norske matdestinasjonar er ei felles satsing der destinasjonar over heile landet går saman for å utvikle kompetanse, verktøy og konkrete matopplevingar – og samstundes bli meir samordna i korleis vi utviklar og synleggjer oss som matnasjon. Gjennom samarbeid, pilotering og deling av beste praksis skal satsinga bidra til å løfte norsk mat og drikke som ein sentral del av reiselivet, og styrkje Noreg si posisjon som matdestinasjon internasjonalt.

‍