Kjernepartnarar - organisasjonar som eig Merket "Berekraftig Reisemål"

Er de prosjekteigar for Merket «Berekraftig Reisemål»? Då kan de bli kjernepartnar – med eigarrettar i eit samarbeid der de er med og formar Noregs einaste offisielle reiselivsklynge, saman med over 50 destinasjonar frå heile landet.

Reiselivet står midt i store endringar – frå KI og delt datainfrastruktur til krav om berekraft og tilgjengelegheit. Ingen destinasjon løyser dette åleine.

Som medlem av Norwegian Travel Cluster blir de del av eit nasjonalt fellesskap der reisemåla sjølve set premissane – ikkje omvendt. Saman byggjer me kompetanse, verktøy og standardar som den enkelte destinasjon verken har tid eller ressursar til å utvikle på eiga hand.

Me trur på at destinasjonane sine stemmer er sterkast når sektoren står samla. Difor jobbar NTC for felles posisjonar overfor styresmakter og verkemiddelapparat, deler kunnskap på tvers av landet, og byggjer opp den tillita som må liggje til grunn før teknologi og datadeling kan gi verdi for heile næringa.

Å vere medlem betyr å stå saman med over 50 destinasjonar som deler same forplikting: at reiselivet skal utviklast på lokalsamfunnet sine premissar, i ei berekraftig retning, over tid.

Kven

Kjernepartnarskap er for organisasjonar som er prosjekteigar for Merket «Berekraftig Reisemål», og som difor svarer ut krava dette inneber – mellom anna samarbeidsavtalar med næringsliv og kommune, forplikting til heilskapleg utvikling innanfor alle berekraftsdimensjonane, og kartlegging av utviklinga i ei berekraftig retning i eit langsiktig perspektiv.

Kva

Som kjernemedlem er organisasjonen ein av eigarane av samarbeidet, og har difor også eigarrettar. Dette inkluderer mellom anna deltaking i LeiarForum, stemmerett på årsmøtet, m.m., etter organisasjonens styringsprinsipp.

Pris

30 000 kr per år (frå og med 2027). Inntil 50 % kan fakturerast tilbake gjennom eigeninnsats.

Kvifor bli medlem?

Som medlem får de mellom anna:

• Tilgang til eit nasjonalt og internasjonalt nettverk av destinasjonar og fagmiljø
• Faglege møteplassar og arenaer for erfaringsdeling på tvers av landet
• Rabatterte prisar på kurs, seminar og kompetanseheving
• Førsterett og gunstige vilkår på utviklings- og marknadsplattformar
• Sparring og mentorstøtte i eige merkings- og utviklingsarbeid
• Felles gjennomslagskraft i å løfte stemma og erfaringane i det lokale reiselivet

Kva får du som medlem?

Møteplassar og nettverk

• Berekraftskaffien – vårt månadlege, digitale partnarmøte for medlem med si destinasjonsleiing
• LeiarForum – strategisk forum to gonger i året
• NTC workshop – årleg fysisk samling i samarbeid med Merket for Berekraftig Reisemål/Innovasjon Norge
• VertsKommunen – den nasjonale konferansen for det lokale reiselivet, årleg og digital
• Arendalsveka – vår felles reiselivsarena
• Fokusgrupper – felles samarbeids- og utviklingsgrupper
• Nasjonalt og internasjonalt nettverk – mellom anna GSTC og EDIH Oceanopolis

Kompetanse og ressursar

• BerekraftsAkademiet – felles digital kurs- og kompetanseplattform, med 60 % rabatt frå marknadspris
• Destinasjonane sin verktøykasse – KommunikasjonsLøftet, The Modern Viking, prosessverktøy for Merket for Berekraftig Reisemål, AccessNorway-handbøker, handbok for villcamping/fricamping, felles innsiktsplattform, malverk for Berekraftig Reisemål, med meir
• Verktøykasse for reiselivsbedriftene – KI og ny teknologi, tilgjengeleg reiseliv, med meir
• Rabatterte prisar på seminar for medlemmene dykkar
• Mentorordning – sparringspartnar for førstegongsmerking, re-merking og andre relevante tema

Utvikling og marknadsplattformar

Som medlem har du eksklusiv førsterett til utviklings- og marknadsplattformar til rabatterte prisar gjennom klyngeprogrammet:

• Norske matdestinasjonar – lokalmat- og drikkeopplevingar
• AccessNorway – mot eit tilgjengeleg reiseliv
• KI og ny teknologi – innsiktsplattform, AI policy, med meir
• Camping – Den norske campingguiden, med meir

Enkelte av aktivitetane involverer eigenfinansiering utover medlemskapsavgifta.

Interessert?

Ta kontakt med oss for å melde di interesse, eller for ein uforpliktande prat.

‍