Totalt 18 reisemål lanserer felles kurs- og kompetanseportal!

Vertskapet er norske reisemål sitt andlet utad i møte med norske og internasjonale turistar. Kunnskapen til desse vertane, anten dei arbeider i tradisjonelle reiselivsbedrifter, i handelsnæringa, frivilligheta, hjå kommunen eller hjå andre, er difor avgjerande for å sikre gode gjesteopplevingar, høgast mogleg lokal verdiskaping for lokalt næringsliv og god besøksstyring.

I ei tid der krav og behov for kunnskap er stadig høgare er det avgjerande å sikre at denne informasjonen kjem ut til personar i ei vertskapsrolle på deira premiss, på ein lett tilgjengeleg måte og i ei form som gjer det mogleg å gjennomføre i ein travel kvardag.

For 2025-26 har 18 reisemål på tvers av landet gått saman for å etablere ein felles digital kurs- og kompetansebank, der ein samlar ressursar og kunnskap for å skape informasjon av høgast mogleg kvalitet for vertskapet på norske reisemål. Her har en henta inn nokre av landet sine fremste fagmiljø på område som "det gode vertskap", "tilgjengeleg reiseliv", "norsk natur og kultur" og "norsk reiseliv" for å skape felles kurs. I tillegg kan reisemåla utvikle eigne lokale kurs.

BerekraftsAkademiet nyttar Motimate som e-læringsplattform, noko som gjera at kursa enkelt kan bli tatt via ein app på mobilen, der ein også får varsel kvar gong det er nytt innhald tilgjengeleg. Kvart kurs tek omlag 10-15 minutt, slik at dei lett kan gjennomførast i ledige tider. Det er også enkelt å oppdatere, dele og utvikle innhald på tvers for ulike aktørar som nyttar same plattformen.

Reisemåla som er med på piloten er: Lindesnes, Bergen, Hallingdal, Svalbard, Øst-Norge, Valdres, Vest-Telemark, Rjukan, Nordfjord, Akershus, Norefjell, Fjordkysten & Sunnfjord, Jotunheimen, Lyngenfjord, Voss, Kirkenes/Alta og Suldal.

Vil du vite meir om BerekraftsAkademiet? Ta kontakt med ditt reisemål for meir informasjon!