Reiselivet må vere med for å lukkast med besøksforvaltninga

Korleis sikrar vi at besøksforvaltning handlar like mykje om moglegheiter for reiselivet – som om problem?

Det var spørsmålet Norwegian Travel Cluster tok med seg då Distriktssenteret samla departement, offentlege aktørar og FoU-miljø til arbeidsverkstad om besøksforvaltning i Leikanger. NDBR var invitert inn for å representere verdiskapingsperspektivet, med Arne-Jørgen Skurdal frå Visit Øst-Norge og Line Renate Samuelsen frå Destinasjon Lofoten som stemmer frå reisemål med ulike utfordringar og moglegheiter knytt til tematikken.

God besøksforvaltning krev at ein ser natur-, lokalsamfunns- og verdiskapingsperspektivet i samanheng. Reiselivet er ikkje berre ein del av utfordringa – det er ein heilt nødvendig del av løysinga. Destinasjonsselskapa sit på kunnskap om gjestane, reisemønster og lokale forhold som er avgjerande for å utvikle heilskaplege og berekraftige forvaltningsmodellar.

Difor er det viktig at reisemåla og det lokale reiselivet er representerte der desse diskusjonane finn stad – ikkje berre som høyringspart, men som aktive medskaparar. Norwegian Travel Cluster ser fram mot det vidare arbeidet.

‍