NDBR og Innovasjon Norge lanserer KommunikasjonsLøftet

KommunikasjonsLøftet har som ambisjon å samle og styrkje arbeidet med å fremje Noreg som eit reisemål på ein måte som er i tråd med berekraftsprinsipp og lokalsamfunna sine behov. Gjennom ni  prinsipp gir løftet praktisk rettleiing for korleis reisemål og reiselivsaktørar kan promotere sine tilbod på ein måte som:

• skapar gode og meiningsfulle gjesteopplevingar,
• styrkjer lokalt næringsliv og identitet,
• vernar om natur, kultur og menneske,
• og bidreg til ansvarleg ferdsel i heile landet.

Dette initiativet byggjer vidare på mange år med målretta arbeid frå Visit Norway, reisemål og bedrifter i heile landet, for å maksimere reiselivet sine positive ringverknadar – og samtidig redusere dei negative. Med KommunikasjonsLøftet samlar ein no dette arbeidet i ei tydeleg, felles nasjonal verktøykasse og retning, både for nasjonale og internasjonale aktørar og samarbeidspartnarar i reiselivet.

KommunikasjonsLøftet er ikkje eit endepunkt – det er eit startskot for vidare samhandling og utvikling. Det handlar om å ta ansvar, vere bevisst, og løfte i lag for at reiselivet skal halde fram med å vera ein positiv drivar for gode bygder og byar over heile Noreg.

Signer og les meir

Er du ein del av reiselivsnæringa og ønskjer å bidra til ansvarleg kommunikasjon? Du kan lese meir om dei ni prinsippa og signere KommunikasjonsLøftet på vegne av di bedrift eller organisasjon her: Signer KommunikasjonsLøftet

Ved å signere viser du di støtte til ei felles retning for ansvarleg marknadsføring og kommunikasjon i reiselivet.

‍