NDBR møter næringsminister Cecilie Myrseth

NDBR takka i møtet for at regjeringa har løfta fram reiselivet som nasjonal satsing, med dei store moglegheitene som denne næringa gir som eksportnæring og som drivkraft for å skape gode lokalsamfunn. NDBR takkar også for at regjeringa løftar fram at framtida sitt reiseliv blir skapt heime, på destinasjonane/reisemåla.

Alle destinasjonane/reisemåla som arbeider inn mot Merkeordninga «Berekraftig Reisemål» er forplikta til ei berekraftig utvikling og til eit privat-offentleg samarbeid gjennom etableringa av ei destinasjonsleiing/reisemålsleiing. Vår ambisjon er å bygge opp om den nasjonale visjonen om å bli «blant verdens fremste berekraftige reisemål», der følgjande blei løfta fram i møtet som viktig for den vidare utviklinga:

• Merkeordninga som det viktigaste utviklingsverktøyet for det lokale reiselivet må bli styrkja
  
• Rammevilkåra til dei som sit på ordninga lokalt, og som skal finne løysingar på vegane av fellesskapet, må bli styrkja
• Alle reisemål i Noreg som har forplikta seg til ei berekraftig utvikling har samla seg i fagnettverket NDBR, og er difor eit viktig talerøyr for eit berekraftig reiseliv som må bli bygd nedanfrå og opp

‍