Innspel til vegkart for reiselivsnæringa 2024

Reiselivet i Noreg er ei av Noregs viktigaste framtidsnæringar, både som ei av landet sine viktigaste, grøne eksportnæringar og som ei næring som bidreg til å sikre verdiskaping, arbeidsplassar og stadutvikling over heile landet. I vegkartet lansert av Regjeringa i februar2024 står det: «Regjeringens ambisjon for reiselivsnæringen er at den skal være konkurransedyktig, ha lavt klima og miljøavtrykk, skape verdier og tilby attraktive reisemål over hele landet». Nettverket er samd i ambisjonane som er sett, men ser likevel at dei viktigaste strategiske verktøya reisemåla har i arbeidet mot å nå desse ambisjonane ikkje er tydeleg løfta fram.

Innspela til Nettverket er oppsummert som følgjer:

• Merkeordninga «Berekraftig Reisemål» er det einaste og viktigaste verktøyet ein har tilgjengeleg for å arbeide strategisk og heilskapleg med ei konkurransedyktig og berekraftig utvikling av reisemåla.
• Merkeordninga «Berekraftig Reisemål» set i dag  premissa og sjølve grunnlaget for utviklinga av reiselivsnæringa i og på tvers av reisemål over heile landet.
• Nasjonale strategiar og planar må bli følgt opp med felles, nasjonale økonomiske verkemiddel som legg til rette for, i staden for å hemme, langsiktig og heilskapleg arbeid for berekraftig utvikling av reiselivsnæringa.

‍