Destinasjonsselskapa si rolle på agendaen i Nærings- og fiskeridepartementet

Representantar frå destinasjonsselskap på tvers av landet møtte denne veka statssekretær Siri Martinsen i Nærings- og fiskeridepartementet – og sette destinasjonsselskapa si rolle i framtidas reiseliv på dagsorden.

Line Renate Samuelsen frå Destinasjon Lofoten leidde delegasjonen, saman med Sten Harald Norund Hansson, Ellen Larsen og Helga Bårdsdatter Kristiansen. Frå departementet deltok Live Albriktsen, Marte Ludvigsen og Bente Boye Lund.

Samtalen handla om korleis destinasjonsselskapa speler ei stadig viktigare rolle i eit reiseliv i rask utvikling. Med auka forventningar og større ansvar innan berekraft, besøksforvaltning, omstilling og verdiskaping er dei blitt eit uunnverleg bindeledd mellom næring, lokalsamfunn og myndigheiter.

Destinasjonane løfta besøksstyring og besøksforvaltning som sentrale verktøy for framtidas reiseliv – ikkje berre for å møte utfordringar, men like mykje for å skape nye moglegheiter. Mange destinasjonar står overfor dei same spørsmåla, og det ligg eit stort potensial i å samle kunnskap, verktøy og beste praksis i ei nasjonal verktøykasse.

Destinasjonsselskapa er òg ein viktig ressurs for offentleg forvalting. Med lokal innsikt, sterk koordineringsevne og høg gjennomføringskraft bidrar dei til berekraftig utvikling, attraktive lokalsamfunn og auka verdiskaping over heile landet.

Destinasjonsselskapa tek sjølve eigarskap over desse diskusjonane. Destinasjonsselskapa tek sjølve eigarskap over desse diskusjonane. Norwegian Travel Cluster er arenaen der reisemåla på tvers av landet kan stå saman, dele kunnskap og utvikle løysingar i lag – nedanfrå og opp, og med styrken av eit heilt nettverk i ryggen.

‍